Əgər uzun sürməzsə və ya rekurrent deyilsə kəskin qastroenteritlə əlaqədar olan nəcisi saxlaya bilməmək proktoloji müayinələr üçün göstəriş deyil.
Çox zaman nəcisi saxlaya bilməmək xəstə tərəfindən spontan məlumat verilmədiyi üçün anorektal problemləri olan bütün pasiyentlərdən bu barədə aktiv surətdə soruşun. 

Ümumiyyətlə, nəcisi saxlaya bilməməyin ümumi populyasiyada prevalentliyinin təqribən 2-3% olması məlumat verilir.Finlandiyada əhali arasında aparılmış bir sorğuya əsasən 5%-ə qədər böyüklər ayda ən azı iki dəfə baş verən nəcisi saxlaya bilməmək simptomlarından əziyyət çəkmişlərR. 
Bu simptomlar ən çox yaşlı şəxslərdə rast gəlinir, lakin pasiyentlərin əhəmiyyətli dərəcədə olan nisbəti əmək qabiliyyətli yaşdadır.

Nəcisi saxlaya bilməməyin davam müddəti və tezliyi, axan fekal kütlələrinin konsistensiyası (bərk? ishal?), qarnın aşağı nahiyələri, anus kanalı və fəqərə sütununda aparılmış əməliyyatlar, xüsusilə nevroloji xəstəliklər və qəbul olunan dərman vasitələri (işlədici dərmanların ifrat qəbulu) barəsində pasiyentdən soruşun. 
Proktoloji müayinə diaqnozun əsasını təşkil edir: baxış, düz bağırsağın barmaqla müayinəsi, proktoskopiya və yoğun bağırsağın endoskopiyası. Ötüb-keçən infeksion ishal istisna olunmaqla bu müayinələrin aparılması həmişə göstərişdir. 
Nəcisi saxlaya bilməməklə birlikdə sidiyi saxlaya bilməməyin yaranması onurğa beyni xəstəliyini göstərir