Rusiya prezidenti Vladimir Putinin gələn həftə İrana rəsmi səfərə gedəcəyini onun mətbuat katibi Dmitri Peskov “RİA Novosti” agentliyinə təsdiq edib.

Peskovun dediyinə görə, Putin Tehranda yalnız İran prezidenti İbrahim Rəisi ilə deyil, Türkiyə prezidenti Rəcəb Tayib Ərdoğanla da görüşəcək: “Üçtərəfli görüşdən əlavə, aydın məsələdir ki, ikitərəfli danışıqlar da aparılacaq. Biz dünən bildirmişdik ki, Putinlə Ərdoğan arasında yaxın vaxtlarda ali səviyyədə təmaslar olacaq. Bu təmaslar məhz İranda baş tutacaq”.