Finlandiyanın Helsinki Universitetinin mütəxəssislərinin araşdırmalarına görə, süni mayalanma yolu ilə doğulan körpələr daha ağıllı olurlar, lakin təbii yolla doğulmuş körpələrə nisbətən onlar psixi sağlamlıq problemlərinə daha çox meyllidirlər.

OXU24.COM medicina.az-a istinadən bildirir ki, alimlər 1995-2000-ci illər arasında Finlandiyada doğulmuş 280 000-ə yaxın gənci 18 yaşlarına qədər izləyiblər.

Nəticələrə görə, süni mayalanma yolu ilə doğulan körpələrin təhsilində daha yaxşı göstəricilər əldə edilib. Bununla yanaşı, onların psixi sağlamlıq problemləri, xüsusən də narahatlıq və ya depressiya diaqnozu qoyulma riskləri yüksək olub.