Azərbaycanın tanınmış yazıçılarından olan  Murad  Köhnəqala  anasının ölümü ilə bağlı yas mərasimini vermək üçün pul tapmadığını və deputatdan kömək istədiyini bildirib.

Oxu24.com  xəbər  verir  ki, yazıçı  facebook  səhifəsində bununla bağlı şok məlumat paylaşıb. Həmin statusu olduğu kimi təqdim edirik:

- Dostlar, anamın vəfatı ilə əlaqədar başım qarışıb. Aydın məsələdi ki, günümüzün yazıçısı dəfn mərasimi vermək iqtidarında deyil. Mən mərasimlərin maddi xərcini qarşılamaq üçün bir neçə imkanlı dosta, eləcə də, Milli Məclisin üzvü, həmyerlim, Aydın Hüseynova müraciət elədim. O, cavabında məni anladığını və gücü çatan yardım edəcəyini bildirdi. Arxasınca bir nəfər mənə zəng eləyib deputatın yardımını mənə çatdıracağını dedi. Gəlhagəl, görüşəndə adam mənə 40 manat pul uzatdı. Bu jestdən özümü təhqir olunmuş hiss etdim. Açığı, həyasızlığın bu qədərini gözləmirdim. Düzdür, deputatın maddi yardım etmək kimi bir öhtəliyi yoxdur, hamı bilir ki, Azərbaycan reallığında vəziyyət başqadır. Deputatlarımız qanunsuz olaraq biznes fəaliyyəti ilə məşğul olması heç kimə sirr deyil. Başım açılan kimi deputat Aydın Hüseynovun gizli biznes şəbəkəsi haqda ətraflı yazacam.P.S. Aydın Hüseynov 2000 - 2009-cu illərdə Səbail rayon Maliyyə İdarəsinin rəisi, 2009 - 2013-cü illərdə Maliyyə Nazirliyi 7 saylı Xəzinədarlıq İdarəsinin rəisi, 2013-cü ildən Səbail rayon Maliyyə idarəsinin rəisi vəzifəsində çalışır. YAP Siyasi Şurasının üzvü, Qaradağ rayon təşkilatının sədridir.

Aynur Kazımlı
Oxu24.com




Oxu24.com