“Rusiya Federasiyasının Ukraynadakı xüsusi əməliyyatı ABŞ-ın dünyada tam hökmranlığına yönəlmiş ehtiyatsız kursa son qoymaq üçün nəzərdə tutulub”.

Bunu “Rossiya 24” telekanalına müsahibəsində Rusiyanın xarici işlər naziri Sergey Lavrov deyib.

“Bizim xüsusi hərbi əməliyyatımız ABŞ və digər Qərb ölkələrinin beynəlxalq arenada tam hökmranlığına yönəlmiş ehtiyatsız ekspansiyaya və kursa son qoymaq üçün nəzərdə tutulub”, - Lavrov bildirib.

Rusiyalı nazir Qərbin Moskvaya qarşı siyasətini qəzəbli və çılğın adlandırıb. O, həmçinin vurğulayıb ki, Rusiya heç vaxt Qərbə tabe olan mövqe tutmayacaq:

“Rusiya, əlbəttə ki, öz tarixi, ənənələri ilə o ölkələrdəndir ki, heç vaxt tabe mövqe tutmayacaq. Biz ancaq bərabər bölünməz təhlükəsizlik şərtləri əsasında beynəlxalq birliyin üzvü ola bilərik”.