Fərdi istilik sistemlərinin mərkəzləşdirilmiş istilik sistemləri ilə əvəz edilməsi həm dövlət üçün, həm də vətəndaş üçün daha sərfəlidir.

OXU24.COM axar.az-a istinadla xəbər verir ki, bu barədə "Azəriqaz" İstehsalat Birliyinin baş direktoru Ruslan Əliyev kombi sistemlərinin ləğv edilməsi barədə səsləndirilən təklifləri şərh edərkən deyib.

"Fərdi üsulda istilik sistemi vətəndaşa baha başa gəlir. Mərkəzləşdirilmiş istilik sistemlərində qaz sərfiyyatı, xərclər daha azdır".

Mərkəzləşdirilmiş istilik sistemlərindən istifadənin ümumilikdə mavi yanacağa nə qədər qənaət edəcəyinə gəlincə, Ruslan Əliyev bildirib ki, hesablama aparmadan bu rəqəmi dəqiq demək olmaz.