Bu videoda sizə Qarabağla bağlı çox mühüm məlumatları çatdıracağıq.

Videonu sona qədər izləyin ki, proseslərdən agah olasınız. Əvvəlcə sizə Xocalı istiqamətindəki əməliyyat barədə maraqlı məlumatları təqdim edəcəyik.

Bildiyiniz kimi, Xocalı, xüsusən Fərrux dağı istiqamətində həyəcanlı anlar yaşanır. Bundan əvvəlki videolarımızda ermənilərin təxribata hazırlaşdıqları barədə məlumat vermişdik. Həmçinin qeyd etmişdik ki, ordumuz buna qarşı cavab tədbirləri görəcək.
Nəhayət ki, həmin tədbir görüldü. Ermənilər sakitləşməsə, bunun davamı da olacaq.
Fərrux yüksəkliyi Qarabağda hərbi-strateji baxımdan ən əhəmiyyətli ərazilərdən biridir. Hələlik rəsmi təsdiqlənməsə də, həmin yüksəklik Azərbaycan Ordusunun nəzarətindədir.
Bu yüksəkliyin strateji əhəmiyyəti ilə bağlı danışan Qarabağ qazisi Rey Kərimoğlu bildirib ki, əgər Fərrux dağına Azərbaycan Ordusu nəzarət edirsə, bu strateji baxımdan çox əhəmiyyətli bir işdir. Bütövlükdə Ağdam rayonunun təhlükəsizliyi baxımından olduqca əhəmiyyətlidir. Eyni zamanda Ağdamın Xaçın çayı yatağı boyunca olan kəndlərində düşmənin heç bir təhlükəsi olmayacaq deməkdir. 
Fərrux yüksəkliyi Azərbaycan ordusunun nəzarətindədirsə, deməli, Əsgəran, Xanabad, Xocalı ovcumuzun içində imiş kimi görünəcək. Çox ciddi strateji bir məqamdır. Həm də oradan Xankəndini də müşahidə etmək olur.
Digər bir vacib məsələni qeyd edim ki, Fərrux yüksəkliyinə nəzarət ediriksə bu o deməkdir ki, Xankəndi, Ağdərə yolu da bizim nəzarətimizdə olacaq”.
Təsadüfi deyil ki, ermənilər Fərrux dağını, Daşbaşı yüksəkliyini Xankəndinin qızıl açarı adlandırırlar.