Qazaxıstan Prezidenti Kasım-Jomart Tokayev maliyyə sabitliyinin təmin edilməsi tədbirləri haqqında fərman imzalayıb, o cümlədən, respublikadan dəyəri 10 min dollardan çox olan xarici valyutanın və qızıl külçələrinin ixracına qadağa qoyulub.

Bu barədə dövlət başçısının mətbuat xidməti məlumat yayıb.

Bundan əlavə, qadağa saflaşdırılmış qızıldan olan külçələrin və Milli Bank tərəfindən buraxılmış qızıl və gümüş investisiya sikkələrinin, habelə çəkisi 100 qramdan artıq qızılın ixracına da şamil edilir.

Qeyd edək ki, Rusiya Prezidenti Vladimir Putin də ölkədən 10 min ABŞ dollarından çox məbləğdə nağd valyutanın çıxarılmasını qadağan edib.