“Rusiya Mərkəzi Bankının sədri yaranmış situasiyaya hazır olmadığı üçün istefa verib. Siçanlar rus gəmisindən qaçmağa başlayıblar. İstefa qəbul edilməyib. Putin özü ilə birgə ətrafını da dibə dartır...”

Bu sözləri Ukraynanın sabiq baş naziri Aleksey Qonçaruk Özünün “Facebook” səhifəsində yazıb. Məlumatı “Obozrevatel” nəşri də öz mənbələrinə istinadla təsdiqləyib.

Məlumatda deyilir ki, Mərkəzi Bankın sədri Elvira Nabiullina Rusiyaya qarşı tətbiq olunan sanksiyalar səbəbindən ölkənin pul-maliyyə sisteminin ağır duruma düşməsi və prosesi idarə etməyin mümkünsüzlüyünü nəzərə alaraq, istefa verib. Hətta baş nazir Mixail Mişustinlə görüşərək, qərarının Putinə çatdırılmasını istəyib. Lakin Rusiya başçısı istefanı qəbul etməyib.

Qeyd edək ki, Rusiyada milli valyutanın sürətlə dəyər itirməsi davam edir. Artıq martın 9-u səhər 1 dolların 190-200 rubl civarında olduğu bildirilir.