Aprel döyüşlərində şəhid olan pilot, mayor Urfan Vəlizadənin doğum günüdür.

Oxu24.com xəbər verir ki, şəhid pilot 1978-ci ildə anadan olub. O, 1995-ci ildə orta məktəbi bitirəndən sonra sənədlərini Türkiyədə Hava Hərbi məktəbinə verib. 2000-ci ildə təhsilini başa vurduqdan sonra 6 ay İstanbulda işləyib. Vətənə döndükdən sonra 2005-ci ilə qədər Kürdəmirdə fəaliyyətini davam etdirib.

Urfan daha sonra ixtisasını hərbi helikopter üzrə təkmilləşdirib. Pilot Urfan Vəlizadə 2016-cı ilin aprel döyüşlərində Mİ-24 helikopterinin vurulması nəticəsində şəhid olub.

Qeyd edək ki, şəhid pilotumuz 11 aprel 2016-cı ildə Bakı şəhərindəki II Fəxri Xiyabanda dəfn olunub. Şəhid pilotun iki qız övladı yadigar qalıb.

Oxu24.com