İşğaldan azad edilən Füzuli rayonuna qanunsuz səfərindən video paylaşan və buna görə də həbs edilən müğənni Manaf Ağayev azadlığa çıxıb.
Oxu24.com xəbər verir ki, onunla birlikdə Füzuliyə gedən iş adamı Sənan Hüseynov da cəzasını çəkdikdən sonra azadlığa buraxılıb.
Onlar Yasamal Rayon Məhkəməsinin qərarı ilə 15 sutka inzibati həbs cəzası almışdılar.
Qeyd edək ki, M.Ağayev bahalı avtomobillə Füzuli aeroportuna getməsinin videosunu sosial şəbəkədə paylaşıb. Müğənni müzakirələrə səbəb olan videonu daha sonra instaqramından silib. Videoda M.Ağayevin avtomobilinin yanında 10-AA-307 seriyalı daha bir maşın olub. Həmin şəxsin əslən Füzulidən olan iş adamı Sənan Hüseynovdur.
Bu görüntülər sosial şəbəkələrdə yayılandan sonra hər iki şəxs saxlanılıb. Onların saxlanılan zaman fotoları da paylaşılıb.
Oxu24.com
ŞƏRHLƏR