Ukraynanın cənubunda yerləşən və bir hissəsinin Rusiyanın nəzarətində olduğu bildirilən Xerson şəhərində yerli qadın rus əsgərinə üsyan edərək "Silah və bombaları atıb gedin" deyərək ciddi reaksiya verib.

OXU24 türk mediasına istinadən xəbər verir ki, səhər saatlarında Ukraynaya havadan və qurudan hücumlar təşkil edən Rusiya ölkənin daxili bölgələrinə doğru irəliləməyə davam edir. Rusiyanın bu hücumlarında insan faciəsi də üzə çıxır. Bu kontekstdə Ukraynanın cənubunda yerləşən Xerson şəhərinin bir hissəsinin Rusiyanın nəzarətinə keçdiyi bildirilib.