Bakıda sərnişimə qarşı nalayiq hərəkətlər edən sürücü saxlanılıb.
Bu barədə Oxu24.com-a DİN-in Mətbuat Xidmətinin İctimaiyyətlə əlaqələr və Vətəndaşlarla İş şöbəsinin rəisi Elşad Hacıyev məlumat verib.
Qurum rəsmisi bildirib ki, saxlanılan 1989-cü il təvəllüdlü Röyal Həsənov müəyyən əməlini etiraf edib.
"Hazırda araşdırma aparılır. Araşdırmanın nəticəsindən asılı olaraq əmələ hüquqi qiymət veriləcəkdir."- deyə E.Hacıyev qeyd edib.
Qeyd edək ki, sosial şəbəkələrdə yayılan məlumata görə, ötən gün 20 Yanvar metrostansiyasının yaxınlığında taksi sürücü xanım sərnişinə əxlaqsız təkliflər edib. Daha sonra isə sürücü xanıma qarşı nalayiq hərəkətlər edib.
Oxu24.com
ŞƏRHLƏR