18:58

İstanbulda Rusiya, Türkiyə, Almaniya və Fransa liderlərinin Suriyadakı münaqişə ilə bağlı keçirilən sammit başa çatıb.

Oxu24.com bildirir ki, görüş bir saat davam edib.

--------

18:34

Bu gün İstanbulda Türkiyə, Rusiya, Fransa və Almaniya prezidentlərinin iştirakı ilə dördtərəfli Suriya zirvəsi başlayıb.

Milli.Az Qafqazinfo-ya istinadən bildirir ki, Türkiyə dövlət başçısı Rəcəb Tayyib Ərdoğan kritik toplantıdan öncə Almaniya kansleri Angela Merkel, Rusiya prezidenti Vladimir Putin və Fransa prezidenti Emmanuel Makronla təkbətək görüşüb.

O, həmkarlarına sammitin keçirildiyi Vəhdəttin Sarayının pəncərəsindən İstanbul Boğazını göstərib.

R. T. Ərdoğan zirvəöncəsi açıqlamasında "Bütün dünyanın gözü bu toplantıdadır. Bizdən gözləntiləri doğruldacağımıza inanıram" deyə bildirib.

***

Sammitdə yaxın zamanlarda istefa verəcək BMT-nin Suriya üzrə xüsusi nümayəndəsi Steffan de Mistura, Türkiyə Xarici işlər naziri Mövlud Çavuşoğlu, Türkiyənin xəzinədarlıq və maliyyə naziri Berat Albayrak, Türkiyə müdafiə naziri Hulusi Akar, Rusiya Xarici işlər naziri Sergey Lavrov, Rusiya müdafiə naziri Sergey Şoyqu, Almaniya və Fransadan xüsusi məsləhətçilər və təmsilçilər iştirak edir.

Fransa və Almaniya ilk dəfə birlikdə Suriya ilə bağlı zirvəyə qatılıb. Oxu24.com