"Ərlərinin başqa yerlərdə arvad saxladığını bilən qadınlar, qürurunuz olsun"

Milli.Az xəbər verir ki, bunu Xoşqədəm Hidayətqızı aparıcısı olduğu proqramına əri yoxa çıxan Sultan Həsənovanın taleyi ilə tanış olduqdan sonra deyib.

Xoşqədəmin canlı yayımda həmin çıxışını təqdim edirik:

"Ərlərinin xəyanətini bilib, başqa yerlərdə arvad saxladığını bilən qadınlar, qürurunuz olsun. Atın o kişiləri çölə. Açın qapını, tullayın o kişiləri çölə. Hara istəyirlər getsinlər. Qürurunuz olsun. Sizə xəyanət edən kişini bağışlamayın. Qürurunuza sığışdırıb qalırsınızsa, bağışlayın məni, siz qadın deyilsiniz".

Qeyd edək ki, əslən Kəlbəcər rayonundan olan Fuad Həsənov təxminən bir ay əvvəl evdən çıxıb. O, 26 illik həyat yoldaşından gizlin bir müddət öncə Gəncə şəhərində birgə yaşadığı yaşca özündən xeyli kiçik qadınla nikaha daxil olub.
  Oxu24.com