Azərbaycanda icbari tibbi sığorta xidmətlərinin göstərilməsinin əlavə dəyər vergisindən (ƏDV) azadolmanın müddəti 2023-cü ilin yanvarın 1-dək uzadılıb.

Oxu24.com xəbər verir ki, bu, Azərbaycan Prezidenti İlham Əliyevin Vergi Məcəlləsinə dəyişiklikləri təsdiq etməsi ilə mümkün olub.

Məcəllənin 164.1.51-ci maddəsinə edilmiş dəyişikliyə görə İcbari Tibbi Sığorta Fondunun vəsaiti hesabına tibbi xidmətlərin göstərilməsi bu ilin sonuna qədər vergidən azad ediləcək.

Qeyd edək ki, adıçəkilən güzəştin müddəti bu ilin yanvarın 1-də bitmişdi.

Azərbaycanda ƏDV-nin dərəcəsi 18 % təşkil edir.