Jurnalist Eynulla Fətullayev hazırda Monteneqroda mühacirətdə olan keçmiş oliqarx-milyarder Telman İsmayılovla görüşüb, söhbətləşib. Qeyd edək ki, Telman İsmayılov bir neçə ay əvvəl həmin Balkan ölkəsində Rusiya hüquq-mühafizə orqanlarının sorğusu əsasında həbs olunduqdan və azadlığa çıxdıqdan (ona həmin ölkədə siyasi sığınacaq verilib) sonra ilk dəfədir mətbuata müsahibə verir. Həmin müsahibəni video formatında Eynulla Fətullayev özünün eyni adlı YouTube kanalında (rus dilində) yerləşdirib. Müsahibəni bəzi ixtisarlarla virtualaz.org saytı oxucularına təqdim edirik:

-Telman Mərdanoviç, bilirəm ki, həbsdən buraxıldıqdan sonra bir çox jurnalistlər, o cümlədən Rusiyadan, Ukraynadan sizinlə əlaqə saxlayıblar, müsahibə götürmək istəyiblər. Amma Siz Azərbaycan nəşrini seçdiniz və biz indi o vaxt bütün keçmiş sovet məkanında əks-səda vermiş həmin hadisəni müzakirə edirik. O vaxt ən müxtəlif informasiyalar yayılmışdı, ziddiyyətli xəbərlər var idi. Bəs əslində nə baş vermişdi? Nə olmuşdu ki, 6 ildir heç bir maneə olmadan bu ölkədə yaşayan adamı birdən-birə həbs etmişdilər...