20 ildir Türkiyədə yaşayan və ötən gün həbsdən azad edilən amerikalı rahib Endryu Branson ölkəsinə qayıtmazdan öncə “Türkiyəni sevirəm, həmişə sevəcəyəm” sözlərini dilə gətirib.

Oxu24.com  xəbər verir ki, Bransonu ABŞ-a aparan təyyarə Almaniyada dayanıb.

Hava limanında onu ABŞ-ın Almaniyadakı səfiri Riçard Qrenell qarşılayıb.

Səfir ona ABŞ bayrağını verib. Amerika bayrağını öpən Branson Türkiyəyə də mesaj göndərməyi unutmayıb.

O, Tvitter hesabında yazıb: “Türkiyəni sevirəm, həmişə sevdim, sevəcəyəm”.

Keşişin həyat yoldaşı Norin Branson isə Türkiyəyə belə vida mesajı yollayıb: “Baş verənlərə rəğmən Türkiyəni sevirik”.

Oxu24.com