Yeni Moskvada yanında uşağı olan ataya hücum edən 4 nəfərdən birinin yaxın xarici ölkə, daha 3-nün Rusiya vətəndaşı olduğu məlum olub.

Rusiya mediası bildirir ki, bu barədə paytaxtın Troitski və Novomoskovski inzibati rayonları üzrə Daxili İşlər İdarəsinin rəis müavini, polkovnik Aleksey Lomançuk məlumat verib.

Onun sözlərinə görə, saxlanılanlar 2000, 2002 və 2003-cü il təvəllüdlü rusiyalılar, həmçinin 2002-ci il təvəllüdlü əcnəbidir. saxlanılıb.

Saxlanılanların hamısı Zaqafqaziya ölkələrindən birinin sakinləridir, onlardan üçü Rusiya vətəndaşlığı alıb.

Digər mənbənin məlumatına görə, onlar 19 yaşlı Fərəməz Hsənov, 21 yaşlı Elcan Həsənov, 18 yaşlı Araz Musayev və 17 yaşlı Elxan Q.dir. 

Onların Moskvaya Orenburqdan gəldikləri bildirilir. 

Noyabrın 5-də Rusiya İstintaq Komitəsinin rəhbəri Aleksandr Bastrıkin Yeni Moskvada yanında uşağı olan kişiyə hücumla bağlı işin “xuliqanlıq”dan “qəsdən adam öldürməyə cəhd” kimi yenidən baxılmasını tapşırıb. O, vurğulayıb ki, zərərçəkənin dediyinə görə, hücum edənlərdə kəsici-deşici əşya da olub.

Hadisə ilə bağlı məlumat noyabrın 5-də verilib.