Xızı rayonunda xəsarətlə nəticələnən yol-nəqliyyat hadisəsi baş verib.

"Report"un Şimal bürosunun verdiyi məlumata görə, hadisə Qızılqazma kəndində qeydə alınıb.

Belə ki, təxliyə maşınının aşması nəticəsində 1968-ci il təvəllüdlü Cavid Qırxlar oğlu Ağarəhimov xəsarət alıb.

O, ilkin tibbi yardımdan sonra təcili tibbi yardım avtomobili ilə Sumqayıt şəhərindəki xəstəxanalardan birinə göndərilib.

Faktla bağlı araşdırma aparılır.