Ermənistanın baş naziri Nikol Paşinyan Baqramyan prospektinə gəlib.

Oxu24.com Ermənistan mediasına istinadən bildirir ki, parlamentin binası qarşısına toplaşanlar "Milli Məclis reqlamenti haqqıda” qanuna dəyişikliklərə etiraz edirlər.

"Mən Baqramyan 26-dakı öz kabinetimə gedirəm, çox vacib işim var, sonra qayıdacağam”, - Paşinyan toplaşanlara deyib.

Qeyd edək ki, ermənilər parlamentin çıxışını bağlayıblar və deputatlar binanı tərk edə bilmirlər.

Bundan əvvəl parlament növbədənkənar iclasda adıçəkilən qanuna dəyişikliyi qəbul edib. "Çıxış” fraksiyasının deputatları Paşinyanın çağırışından sonra iclası boykot ediblər.

Dəyişiklik parlamentin buraxılmasına yol verilməməsini nəzərdə tutur.

Paşinyan isə bəyan edib ki, layihənin qəbul edilməsi "əksinqilabın rəsmi başlanğıcı" demək olacaq. Oxu24.com