ABŞ-ın İrana tətbiq etdiyi maliyyə sanksiyalarını pozmaqda ittiham edilərək həbs olunan, daha sonra isə Hakan Atillanın mühakimə olunduğu məhkəmənin əsas şahidi kimi çıxış edən azərbaycanlı iş adamı Rza Zərrab bu dəfə də kameraların obyektivinə tuş gəlib.

Zərrab Nyu Yorkun ən dəbdəbəli otellərindən birində görüntülənib.

Bir müddət öncə fotolarının çəkildiyi “Nobu” restoranının qarşısında yerləşən “Four Seasons Downtown” otelində görünən Zərrabın oteldə başqa bir adla qeydiyyatdan keçdiyi məlum olub. Otelin çıxında “Kadillak Eskalad” markalı bahalı avtomobilə minmək istərkən şəkillərinin çəkildiyini görən iş adamı dərhal otelə qayıdıb. Zərrabın yanında hər hansı bir FTB agentinin və ya cangüdənin olmaması diqqət çəkib.

Azərbaycan əsilli iş adamını otelin qapısında gözləyən avtomobili sürücü əvvəlcə yeraltı qaraja aparıb. 2 saat gözlədikdən sonra yenidən otelin qapısına gələrək əşyaları avtomobilə yükləyib. Çıxışda dayanan otel əməkdaşlarından biri “Səyahət böyük ehtimalla Hamptonsa olacaq” (2 saatlıq məsafədə yerləşən zənginlər məhəlləsi) deyib. Oxu24.com