Qətərin keçmiş Baş naziri Hamed bin Casim bin Cəbr Əl Sani Körfəz ölkələrini ABŞ-ın Çin və Rusiya ilə qarşı-qarşıya gəlmək ehtimalından dolayı çətin mübarizəyə hazır olmağa çağırıb.
Redaktor.az xəbər verir ki, Əl Sani "Twitter" hesabında etdiyi paylaşımda ABŞ-ın yeni rəhbərliyinin Çinin iqtisadi və texnoloji inkişafını zəiflətməyə çalışdığışı bəyan edib. O, bunları yazıb:
"Körfəz bölgəsində iki nəhəng ölkə arasındakı bu iqtisadi müharibənin alovunun bizə də sirayət etməsi lazımdır. Çünki ABŞ Çinlə iqtisadi və hərbi əməkdaşlıq etməməyimiz üçün bizə mütləq təzyiq göstərəcək".
Əl Sani ABŞ-ın bölgədə Rusiyanın hər hansı bir hərbi nüfuz əldə etməsinin qarşısını almağa çalışacağını, buna hər vəchlə mane olacağını qeyd edib.
"Buna görə bu vəziyyətdən yararlanmaq üçün qlobal səhnəni bütün detalları ilə qavramaq və dəqiq mülahizə aparmaq bizim üçün çox vacibdir. Bu dəyişikliklər bölgəyə yeni reallıqlar gətirə bilər. Bizim buna hazır olub-olmamağımız məlum deyil", - deyə Əl Sani əlavə edib.
Oxu24.com
ŞƏRHLƏR