Ermənistanın baş naziri Nikol Paşinyanın istefasını tələb edən "Vətənin xilası hərəkatı"nın yüzlərlə tərəfdarı parlamentin yanındakı İrəvanın mərkəzi prospektini mühasirəyə almaqda davam edir.

Oxu24.com xəbər verir ki, etirazçılar müxalifət liderlərinin yeni bəyanatlarını gözləyirlər.

"Bu gün bizim gələcək hərəkətlərimizlə bağlı çox vacib bəyanatlarımız olacaq", - deyə "Daşnaksütyun" partiyasının nümayəndəsi Geqam Manukyan bildirib.

Prospektdə vətənpərvərlik mahnıları səsləndirilir, zibil qutularından və küçə skamyalarından barrikadalar quraşdırılıb. Fəallar zaman-zaman hökumət əleyhinə şüarlar səsləndirirlər. Polislər gücləndirilmiş rejimdə xidmət aparırlar, lakin prospektləri etirazçılardan təmizləməyə çalışmırlar.