Bakıda marketdən külli miqdarda pul oğurlanıb.

Oxu24.com Daxili İşlər Nazirliyinin mətbuat xidmətinə istinadən xəbər verir ki, Xətai Rayon Polis İdarəsi 34-cü Polis Şöbəsinə yanvarın 23-də rayon ərazisindəki marketlərin birindən Bakı şəhər sakini R.Vəlizadənin içərisində 17 000 manatı və sənədi olan pulqabısının oğurlanması barədə məlumat daxil olub. Aparılan əməliyyatla oğurluq etməkdə şübhəli bilinən paytaxt sakini N.Sayadov saxlanılıb.