![](https://oxu24.com/uploads/posts/2018-08/medium/1535093262_1525266749_1525266676_1525252119_702px-eyeball_sugarpond.jpg)
Bəs bu hallar nədən qaynaqlanır?
Mövzu ilə bağlı Medicina.az-a açıqlama verən Acıbadem Kocaeli Xəstəxanasının oftalmoloqu Azmiyye Altınışık daha çox uşaqların göz qapağında və göz ağında çıxan, el arasında çiban adlandırılan ləkələrin adətən bakterial və viral səbəbli olduğunu bildirib. Onun sözlərinə görə, xüsusilə su çiçəyi, qızılca, herpes xəstəliyi göz bəbəklərində, bəzən buynuz qişalarında yaralara səbəb ola bilər:
"Həddindən çox yorğunluq, halsızlıq, immunitetin kəskin aşağı düşməsi, yuxusuzluq nəticəsində də bu növ ləkələr yarana bilir. Belə halla qarşılaşan zaman təcili oftalmoloqa müraciət edilməlidir. Diaqnoz qoyulmalı və səbəbə görə müalicə edilməlidir.Viral kökənli infeksiyalarda orqanizmdə su çiçəyinin digər əlamətləri də görülə bilər. Bakterial səbəbli ləkələr zamanı isə sadəcə gözdə ləkələr görünür”.
Oftalmoloq belə ləkələrin müalicə edilmədiyi təqdirdə ciddi fəsadlar törədə biləcəyini vurğulayıb.
"Hətta korluğa belə səbəb ola bilər”, - deyə Altınışık qeyd edib.
Bəs bu xəstəliyin qarşısını necə almaq olar?
Bu sualı da cavablandıran mütəxəssis qorunmaq üçün zamanında peyvəndlərin vurulmasının vacib olduğunu söyləyib:
"Həmçinin belə xəstəliyi keçirən insanlardan uzaq durulmalıdır. Kirli əllərlə gözləri qaşımaq, ovalamaq olmaz. Əllər və gözləri yuyaraq qarşısını nisbətən də olsa ala bilərik”. Oxu24.com
ŞƏRHLƏR