Mingəçevir şəhərində süpürgəçi qadınlar etiraz aksiyası keçiriblər.

Cebhe.info xəbər verir ki, həmin şəxslər Mingəçevir şəhər Mənzil Təsərrüfatı və Abadlaşdırma İdarəsinin 2 saylı sahəsinin işçiləridir.

Qadınların bildirdiyinə görə, idarə onlara işdən çıxma barədə ərizə yazdırıb, guya başqa işlə təmin edəcəklərini desələr də sözlərində durmayıblar.

Etiraz zamanı süpürgəçi qadınlar həmçinin Mingəçevirin icra başçısından və Mənzil Təsərrüfatı və Abadlaşdırma İdarəsinin rəhbərliyi barədə də şikayətlərini bildiriblər.

Bu narazılıqdan sonra idarənin rəisi Şəhriyar Mustafayev etiraz edənləri otağına çağırıb, hədələdiyi deyilir.