COVID-19 virusu davam edərkən, mutasiyaya uğramış koronavirus xəbəri insanlarda müəyyən narahatlığın yaranmasına səbəb olub.

Redaktor.az xəbər verir ki, COVID-19-dan fərqli olaraq yeni virusun yayılma potensialı 70% daha çoxdur. Amma həkimlər narahatlığa heç bir əsas olmadığını deyirlər. Məsələn, türkiyəli professor Mehmet Ceyhan deyib ki, mövcud infeksiyanın yeni növü heç də düşünülən qədər yoluxucu deyil:

"Yeni virus hələ laboratoloji sınaqdan tam çıxmayıb. Əgər mutasiya həqiqətən orijinal virusdan daha çox yoluxucu xüsusiyyətə malikdirsə, bu, gözlənilən mutasiyanın başlanğıcıdır. Çünki virusun daha yoluxucu, amma zərərsiz hala gəlməsini gözləyirdik. Yəni, bu, gözlədiyimiz ilk dəyişiklik ola bilər".