“Azərbaycan əsgərləri Xankəndidə marketlərdən alış-veriş edir".

Cebhe.info xəbər verir ki, bunu “Facebook” səhifəsində separatçı rejimin "rəhbərinin" sabiq "müşaviri" Tiqran Abramyan yazıb.

O bildirib ki, bütün bunlar hər kəsin gözü qarşısında baş verir:

"Nikol Paşinyan, mən başqa heç nə demirəm, sənin heç olmasa bir az vicdanın var? Azərbaycan hərbçiləri heç nə olmamış kimi Xankəndidə mağazalardan alış-veriş edirlər. Əsirlərin qaytarılması artıq 25 gündür baş tutmur. Nikol, sənin şərəfdən xəbərin belə yoxdur, ancaq bu, bir dəfə daha bir partlayışa səbəb olacaq. Sən olmayacaqsan, ancaq biz sənin qərarlarının acı nəticəsini hələ çox hiss edəcəyik".