“EurekAlert!” portalında beynəlxalq alimlər komandasının press-relizi yayımlanıb.

Oxu24.com Ölkə.Az-a istinadən xəbər verir ki, alimlərin xəbərdarlığına əsasən, tezliklə Yerdə temperatur sənaye inqilabına qədər olan dövrdəkinə nisbətən orta hesabla 4-5 dərəcə artacaq. Planetimiz nəhəng istixanaya çevriləcək və bəzi regionlar həyat üçün əlverişsiz olacaq.

Alimlər müəyyən ediblər ki, hətta Paris İqlim Müqaviləsinin şərtlərinə əməl edilsə də, bu baş verəcək. Mütəxəssislər qeyd edirlər ki, istixana qazları qlobal iqlimə təsir edən yeganə faktor deyil. Bundan başqa buzların əriməsi, okeanın dibindən metan qazının yuxarı qalxması, intensiv bakterial tənəffüsün artması, meşə sahələrinin azalması, Arktikada aysberqlərin kiçilməsi də bunun səbəbidir.

Alimlər təklif edirlər ki, qaz tullantılarının sayı azaldılsın və meşə massivləri vasitəsilə təbii karbon rezervləri yaradılsın. Eyni zamanda atmosferdəki zərərli qazları udan yeni texnologiya hazırlansın.

Oxu24.com