Almaniyada Birləşmiş Xidmət Həmkarlar İttifaqı  sabah ölkə daxilində dövlət işçilərinin xəbərdarlıq tətili keçirəcəklərini açıqlayıb.

“Oxu24.com” TRT-yə istinadən xəbər verir ki, İttifaqdan verilən açıqlamada Almaniyada dövlət işçilərinin 15 və 16 aprel tarixlərində “Potsdam”da keçiriləcək toplu iş müqaviləsinin üçüncü tur müzakirələrindən əvvəl xəbərdarlıq tətillərinin genişləndiriləcəyi bildirilir.

Açıqlamada hava limanları da daxil olmaqla, federal və yerli səviyyədəki bütün dövlət xidmətlərinin tətildən zərər görəcəyi və 13 aprelə qədər bütün əyalətlərdə başqa böyük tətillərin də gözlənildiyi qeyd edilir.

Həmkarlar İttifaqı 2,3 milyon dövlət işçisi üçün ayda ən azı 200 avro olmaqla 6% maaş artımı tələb edir. İşəgötürənlər isə bu tələbi yüksək olması səbəbindən qəbul etmirlər.

Oxu24.com