Bu gün dünyada və Azərbaycanda koronavirusun pik həddi yaşanır. Belə ki, Azərbaycanda yoluxanların sayı artıq 2000-ni ötüb. Bu gün hər kəsi maraqlandıran sual koroavirus bəlasından nə zaman canımızın qurtarmasıdır.

Oxu24.com  xəbər verir ki, bununla bağlı Sonxeber.az-a danışan professor Adil Qeybulla bildirib ki, yoluxma çox olduqca ölüm halları da artacaq:

"Bu yoluxmalar hələ reallığı əks etdirmir. Reallıq bundan da pisdir. Xəstələnənlərin çoxu xəstəxanalara,həkimlərə müraciət etmir, evdə müalicə alırlar. Kənd yerlərində insanlar ailəlikcə yoluxublar. Hələ bilinmir ki, onlar həqiqətən koronavirusa yoluxublar, yoxsa digər xəstəlikdən əziyyət çəkirlər. Düşünürəm ki, artıq kollektiv immunitətə doğru gedir. Yəqin ki, Abşeron yarmadasında və rayonlarda da kollektiv immunit formalaşacaq. Virus yəqin ki, ilin sonunda yoxa çıxacaq. Yoluxamaların pik həddindən sonra enməyə doğru gediləcək. Karantin qaydalarına əməl edilməlidir. Görülən odur ki, insanlar bir müddət xəstəliyi yaddan çıxardır. Qələbə yürüşündə böyük təmas yarandı. İnsanlar maskasız bir yerə toplaşdılar. Təbii ki, bu da yoluxmaların artmasına şərait yaratdı. Bu artım bir müddət davam edəcək. Təəssüf ki, insanlar karatin qaydalarına əməl etmirlər".