Azərbaycan və Ermənistan XİN rəhbərlərinin ABŞ Dövlət katibi Mayk Pompeo ilə Vaşinqtonda görüşü keçiriləcək.

Oxu24.com xəbər verir ki, bu barədə “Politoco” nəşri məlumat yayıb. Bildirilir ki, görüş 23 oktyabrda baş tutacaq.

Hələlik Vaşinqtonda Azərbaycan və Ermənistan XİN rəhbərləri Ceyhun Bayramov və Zöhrab Mnatsakanyanın görüşüb-görüşməyəcəyi bəlli deyil. Azərbaycanın ABŞ-dakı səfiri Elin Süleymanov belə bir görüşü istisna etməyib.

Məlumata görə, Ceyhun Bayramov Pompeo ilə günün birinci yarısında görüşəcək, ikinci yarısında isə ABŞ dövlət katibi Mnatsakanyanı qəbul edəcək.