Amerikalı bloger Allen Pen maska ilə adamın üzünə “atəş açan” qurğu ixtira edib.

Oxu24.com xəbər verir ki, o, öz ixtirasının necə işlədiyini Twitter-də paylaşdığı videoda göstərib.

Kadrlarda görünür ki, Pen “silahın” qarşısında oturub. Qurğu avtomobilin əyləc sisteminin detalları və karbon qazı ilə dolu balonlardan quraşdırılıb.

​Qurğunun mərkəzində tibbi maska yerləşdirilib. Maskanın “atəş”dən sonra insanın üzünə oturması üçün onun uclarına yük bərkidilib.