Azərbaycanda avqustun 16-da yoluxmaların sayında artım müşahidə olunub. Belə ki, 112 nəfər koronavirusa yoluxub, 178 nəfər isə sağalıb. Yoluxanların sayı artarsa 65 yaşdan yuxarı insanların çölə çıxmasına qadağa qoyula bilərmi?

Bununla bağlı Sonxeber.az-a danışan deputat İlham Məmmədov bildirib ki, yoluxma sayı artarsa, epidemoloji vəziyyət nəzarətdən çıxsa təbii ki, bu barədə düşünüləcək və qərar veriləcək:

"Necə ki, qardaş Türkiyənin bəzi bölgələrində 65 yaşdan yuxarı insanların fəaliyyətinə məhdudiyyətlər qoyulur. Avqustun 16-da yoluxma sayı 112 oldu. Bu artma-azalma pandemiyanın xüsusiyyətlərindəndir. Təbii ki, burada insanların karantin qaydalarına və sanitar gigyenik qaydalara riayət etməməsi də rol oynayır.
Bu gün insanlar məsuliyyətsizlik edir. O insanlara sual verirəm ki, siz yenə məhdudiyyətlərin olmasını istəyirsinizmi?

Yoluxmaların sayı artarsa dövlət yenidən sərt karantin rejimini tədbiq edə bilər. Bundan həm ölkə iqtisayyatı, səhiyəmiz və məsuliyyətli insanlarımız əziyyət çəkəcək. Əgər biz sərtləşmələrin yenidən olmamasını, tezliklə normal həaytımıza qayıtmaq istəyiriksə qaydalara əməl etməliyik. Vətəndaşımızlarımız anlamalıdır ki, bir nəfərin məsuliyyətsiz yanaşması yoluxmanı yenidən şiddətləndirlə bilər".