İsmayıllı rayonunun Qurbanəfəndi kəndində yağan güclü yağışdan sonra dağlardan gələn sel suları kəndə böyük ziyan vurub.

Oxu24.com-un xəbərinə görə, avqustun 3-də axşam saatlarında kəndə gələn güclü sel nəticəsində İsmayıllı-Qəbələ yolu keçilməz olub. Belə ki, güclü sel özü ilə böyük daşlar və ağac qırıntıları gətirib.

Məlumata görə müvafiq dövlət qurumlarının operativ fəaliyyəti nəticəsində yaranmış problemlər aradan qaldırılıb. Yollar təmizlənib.

Analoji hadisə rayonun Buynuz kəndində də baş verib.