“İyulun 12-dən başlayaraq dörd gün davam edən Ermənistanın Tovuz istiqamətində hərbi təcavüzü, bu ölkənin işğalçı mahiyyətini ortaya qoymaqla yanaşı, birbaşa Qarabag münaqişəsinin həllini arxa plana keçirmək istəyi idi”.
Bu sözləri Redaktor.az-a açıqlamasında Poloitoloq Məhəmməd Əsədullazadə deyib. O qeyd edib ki, Ermənistanın digər məqsədi isə strateji yüksəkliyi ələ keçirib, Azərbaycanın qərb dəhlizini nəzarətə almaq, neft-qaz kəmərlərini və nəqliyyat yolllarına təhlükə yaratmaq olub:
"Azərbaycan Ordusunun sarsıdıcı zərbəsindən sonra Ermənistan tərəfi hücumu dayandırsa da, yenidən PUA və digər yüngül silahlarla bölmələrimizə qarşı hücumlar təşkil edir. Hesab edirəm ki, hazırkı hücumların ara-sıra davam etdirilməsi qorxu və panikadan irəli gəlir. Özləri də başa düşür ki, belə hücumlar sadəcə onların ziyanınadır. Şübhəsiz ki, bu hadisələrin sonu Ermənistanın tam məğlubiyyəti ilə nəticələnəcək".
Politoloq sözlərinə görə, Paşinyan Qarabağ məsləsində Azərbaycanın diqqətini Tovuz istiqamətinə çəkməklə, rəsmi Bakını hücum edən tərəf kimi göstərməyə cəhd edir:
“Hazırda Azərbaycan üçün prinsipial məsələ işğal olunmuş ərazilərdə hərbi əməliyyatlar keçirməkdir. Ermənistan tərəfi elə düşünür ki, belə təxribatlar etməklə, Qarabağ cəbhəsində Azərbaycanın hücum əməliyytalarının qarşısını alacaq.
Ümumiyyətlə, hesab edirəm ki, Tovuz təxribatı Ermənistan üçün diplomatik və hərbi uğursuzluqla yadda qaldı. Onların niyəti fərqli olsa da, Azərbaycan düşmənin məkirli niyətinin həyata keçməsinə imkan vermədi”.
Oxu24.com
ŞƏRHLƏR