İyulun 12-dən başlayaraq Azərbaycan-Ermənistan dövlət sərhədinin Tovuz rayonu istiqamətində vəziyyət gərginləşib.

Oxu24.com xəbər verir ki, Ermənistan tərəfinin atəşkəs rejimini kobud şəkildə pozması daha çox özlərinə zərər verib.

Düşmən tərəfinin xeyli sayda canlı qüvvəsi, eləcə də texnikası Azərbaycan ordusu tərəfindən məhv edilib.

Bakı Politoloqlar Klubunun sədri Zaur Məmmədov Qazet.az-a açıqlamasında bildirib ki, Azərbaycana qarşı provokasiya təşkil edən düşmənin 100-ə yaxın hərbçisi öldürülüb.

“Ermənistan böyük itkilər verib. Hazırda Ermənistanın baş naziri Nikol Paşinyan Müdafiə naziri Tonoyanı günahlandırır. Ermənistanın məğlubiyyəti Paşinyanı o qədər hiddətləndirib ki, hazırda Tonayanın yerinə vəzifəyə gətiriləcək namizədlər barəsində fikir mübadiləsi aparılır”, – deyə Zaur Məmmədov əlavə edib.

Qeyd edək ki, hələ ki, Ermənistan Müdafiə Nazirliyi indiyədək 4 hərbçisini itirdiyini, 20 nəfərin isə yaralandığını açıqlayıb.