Xuliqanlıq etdiyinə və üzərində narkotik vasitə gəzdirdiyinə görə tutulmuş şəxsin silah saxladığı da məlum olub.

Daxili İşlər Nazirliyinin (DİN) Mətbuat Xidmətindən verilən məlumata görə, İmişli rayon sakini B.Əhmədovun ətrafında Baş Mütəşəkkil Cinayətkarlıqla Mübarizə İdarəsinin əməkdaşları tərəfindən əməliyyat tədbirləri aparılıb.

Onun paytaxtın Nəsimi rayonunda yaşayan tanışının mənzilində gizlətdiyi “Sigsauer P-226” markalı nömrəsi silinmiş tapança və 1 ədəd patron darağı aşkar edilərək götürülüb.