Ərzincan Binəli Yıldırım Universitetinin Hüquq Fakültəsinin dosenti Dr.Ayhan Uçar evində ölü tapılıb.

Oxu24.com Türkiyə mətbuatına istinadla xəbər verir ki, evində tək yaşayan 56 yaşlı Uçardan 2 gündür xəbər ala bilməyən yaxınları onun axtarışına çıxıblar.

Evə gələn qohumlar ehtiyat açarla qapını açıblar. Onlar dosenti divanda yatdığı yerdə ölü tapıblar.

Ürək və şəkər xəstəliyindən əziyyət çəkən Uçar müalicə məqsədi ilə 1 həftə öncə məzuniyyətə çıxıbmış.