Təqva elə bir qüvvədir ki, insanı günahdan saxlayar və insanda müsbət bir xof - Allah qorxusu yaradar. İnsan təqvaya görə günahdan uzaq olar və büdrəmələrdən çəkinər. Təqvanın mərhələləri vardır ki, onlarla tanış olaq:
1. Danışıqda təqva. Təqvalı insan səbəbsiz heç bir söz deməz. Nahaq yerə şəhadət verməz. Bu insan sui-zənn etməz. Bu insan həyatının ən çətin anında belə, haqdan əl çəkməz. Yalan danışmaz.
2. İctimai həyatda təqva. Siyasi mövzularla bağlı Quran buyurur: "Ya Peyğəmbər, Allahdan qorx və kafirlərə və münafiqlərə itaət etmə, çünki Allah daim (işlərin məsləhətlərini) biləndir və (onların icrasında) hikmət (diqqət və möhkəmlik) sahibidir". ("Əhzab" 1).
Təqvalı insan cəmiyyətə heç bir zaman ziyan vurmaz. Bu gün cəmiyyətdə çatışmayan şey - elm deyildir, əslində təqvadır.
3. Ailədə təqva. Təqvalı qadın və ya kişi o kəsdir ki, yaxşı həyat yoldaşı olar. Zülm etməz, əgər xəta etsə, üzr istəyər.
4. İşlərdə, rəftarlarda təqva. Təqvalı müəllim dərsinə gecikməz, dərsində səhlənkarlıq etməz.
Təqvalı tacir malını baha satmaz və çəkidə aldatmaz.
Təqvalı insan iş yerindəki telefondan öz şəxsi işləri üçün istifadə etməz. İnsanların vaxtını öz şəxsi işləri üçün sərf etməz.
Təqvalı məmur rüşvət almaz, insanların haqqını basmaz.
Təqvalı həkim xəstəyə lazım olmayan dərmanları yazıb, haram pul qazanmaz.
Oxu24.com
ŞƏRHLƏR