Bakı Lifttəmir İstehsalat Birliyinin keçmiş rəhbəri Qüdrət Şükürovun qızı, qalmaqallı hadisələrlə mediada müzakirələrə səbəb olan Aysel Şükürova bu dəfə median təhqir edib. 
A.Şükürova sosial şəbəkədə onun atası ilə bağlı başladılan cinayət işi haqda rəy yazan şəxsi təhqir etməsinin ictimailəşdirilməsinə sərt reaksiya verib:
“Yenə xəbər saytları reytinq görüblər. Hamısı başlayıb bilib-bilmədən yazmağa. Kimin əlinə bir “screen” keçirsə araşdırmadan yazırlar. Ona görə jurnalist yox, elə həmişə zurnalist olaraq qalırsınız. Xəbər paylaşanda araşdırmaq lazımdır. 
Sözüm hamıya aid deyil, amma zurnalistlərədir. Hadisə necə olub? Kim nə deyib? Yoxsa qarşı tərəfin təhqirlərini silib paylaşmağa nə var ki?! Günahı olmayan körpələrimin şəkillərini paylaşıb insan hüquqlarından danışmağa nə var ki?!  
Mən niyə günahsız birinin şəkillərini səhifəmdə paylaşmıram? Əgər biri  haqlı olsa, gedib məhkəməyə verər. Haqlı olmadığı üçün sizin yanınıza qaçıb. Amma mən haqlıyam, məhkəməyə də verəcəyəm, polisə də və siz də görəcəksiniz ki, kim haqlıdır bu söhbətdə. 
Mənə qarşı, ailəmə qarşı təxribatlarla bizi gözdən sala bilməzsiniz. Sevənlərimiz bizi onsuz da dəstəkləyəcək. Çünki məni tanıyırlar, düz olduğumu, səhv edən birinin qarşısında susmadığımı bilirlər. Guya, siz fəallarsınız? Fəal olmaq şüvənlik etmək deyil. Araşdırıb düzün tərəfini tutmaqdır, zurnalistlər”