Evdə özünü müalicəyə cəhd bizim əsas problemlərimizdəndir. Buna cəhd edənlər azalsa da, yenə də var.
Oxu24.com xəbər verir ki, bunu TƏBİB-in Xəstəliklərin profilaktikası və kontrolu şöbəsinin müdiri Yaqut Qarayeva Operativ Qərargahın brifinqində deyib.
O bildirib ki, hazırda xaricdən gələn 8 000 vətəndaşımız karantin mərkəzlərindədir:
"Təəssüflər olsun ki, insanlarımızın inanmaması, tələblərə əməl etməməsi davam edir. Ölkəmizdə epidemoloji vəziyyət sabit və stabildir. Biz buna güvənərək sərtləşmə ilə bağlı deyil, yenidən yumşalma ilə bağlı qərarlar qəbul edirik".
O bildirib ki, virusun bizimlə nə qədər yaşayacağını bilmədiyimiz üçün həyatımızı virusla paralel təşkil etməyi öyrənməliyik:
"Bu səbəblə qaydalara əməl etməli, fərdi gigiyena tədbirlərini qorumalıyıq".
Oxu24.com
ŞƏRHLƏR