ABŞ-ın Minneapolis şəhərində fırıldaqçılıq üstündə tutulan şəxs saxlanarkən polis tərəfindən boğularaq öldürülüb.

Oxu24.com xəbər verir ki, ABŞ polisi dizini şübhəlinin boynuna söykəyərək onu nəfəssiz buraxıb. Dəfələrlə “nəfəs ala bilmirəm” desə də polis yerdə uzanan şübhəliyə məhəl qoymayıb. Polisin hərəkətindən sonra şübhəlinin nəfəs yolları bağlanıb.

Minneapolis polisi tutulan şəxsin daha sonra “tibbi problem” səbəbindən öldüyünü açıqlayıb. Görüntülərdə isə adamın bir müddət sonra yerindən tərpənmədiyi görünür. Adı açıqlamayan şübhəlinin Hennepindəki Tibb Mərkəzinə aparıldığı və daha sonra öldüyü bildirilib. FTB-nin açıqlamasında polislərin işdən azad edildiyi və istintaqın davam etdiyi bildirilib.