“Koronavirus zamanı ağciyərlər ciddi zədələnir”.

Oxu24.com -un  məlumatına görə, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında TƏBİB İdarə Heyətinin sədri Ramin Bayramlı bildirib.

R. Bayramlı deyib ki, vərəm və digər infeksion xəstəliklər keçirənlər, xroniki xəstəlikləri olanlar, siqaret çəkənlər yoluxan zaman ağciyərdə ciddi problemlər yaranır:

“Bu insanlar gələcəkdə də nəfəs çatışmazlığından əziyyət çəkə bilərlər. Bu xəstəlikdən sağalanların gələcəkdə əlilliklə üzləşməsi mümkündür. Gənclərin isə sağaldıqdan sonra toxumaları gənc olduğu üçün onların ciddi fəsadlarla üzləşməsi gözlənməyə bilər. Bu xəstəliyin digər insanlarda hansı fəsadlar yaratması hələ araşdırılmayıb, bu, gələcəkdə tam məlum olacaq”.