Koronavirus pandemiyası dövründə xəstəliyə ən çox yoluxanlar və ölənlər daha çox kişilər olub. Cinslər arasında bioloji fərqlər onlarda müxtəlif xəstəliklərə qarşı fərqli reaksiyalar yaradır.
 

Oxu24.com  medicina.az-a istinadən xəbər verir ki, Çin, İtaliya, ABŞ-da koronavirusdan ölən xəstələrin 60%-i kişilər olub. Bunun səbəbini məşhur avstraliyalı genetik, professor Cenifer Qreyvs belə izah edib:

“Səbəb iki cinsin fundamental bioloji genetik fərqindən qaynaqlanır. Məlumdur ki, qadınlarda 2 X xromosom, kişilərdə isə bir X və bir kiçik Y xromosom var. Y Xromosomda az genlər var. Bu xromosomun əsas geni SRY geni hesab edilir. Məhz onun aktivliyi embrionun kişi cinsini təyin edir və kişi hormonları sintez edir.
Hormonlardan isə qadın, kişinin nəinki xarici əlamətləri fərqlənir, həmçinin onların ömrünün uzunluğu, xəstəliklərə davamlılığı, davranışları dəyişir. Ona görə kişilər ürək-damar xəstəlikləri və xərçəngə çox meyillidirlər. Kişi orta ömrü qadından 6 il azdır.

O ki, qaldı hormonlara. Bunun səbəbi kişilərdə testosteronun çoxluğu, estrogenin azlığı da ola bilər. Qadınları ürək xəstəliyindən qoruyan məhz estrogendir. Kişilərin koronavirus qarşısında, eləcə də qripin önündə belə zəif olmalarının səbəbi anadangəlmə genlərlə bağlıdır, bununla heç bir şey etmək olmaz”.