Azərbaycan millisinin üzvü Eddi İsrafilov həbs edilə bilər.

Buna səbəb onun 2015-ci ildə yaratdığı qalmaqaldır.

Belə ki, İsrafilov 2015-ci ildə komanda yoldaşları Serji Enriç və Antonio Manuel Luna ilə birlikdə çəkdiyi seks videosunu yaymışdı. Həmin vaxt İspaniyada bir qadınla cinsi əlaqədə olan komanda yoldaşları videonu çəkərək “Whatsapp” vasitəsilə yığmamızın futbolçusuna göndəriblər. İsrafilov da videonu sosial şəbəkələrdə yayıb.

Qadının vəkili isə futbolçumuzla birlikdə digər oyunçuları da məhkəməyə şikayət edib. Onlar hər üç oyunçunun həbsini tələb ediblər. İspaniya qanunlarına görə, seks videosunu yaymağa görə iki ildən beş ilədək həbs mümkündür.

Qeyd edək ki, futbolçular qadından üzr istəsələr də, məhkəmə prosesi hələ yekunlaşmayıb. 
  Oxu24.com