ABŞ ordusunun Yaxın Şərqdəki müdafiə sistemləri mümkün hava hücumlarına qarşı döyüş hazırlığı vəziyyətinə gətirilib

Oxu24.com xəbər verir ki, bu barədə ABŞ mediası Pentaqondakı mənbəyə istinadən məlumat yayıb. Bildirilib ki, hava hücumundan müdafiə sistemləri, raket əleyhinə sistemlər döyüş vəziyyətindədir. ABŞ ordusuna mümkün hücumlara qarşı “hazır ol” təlimatı verilib. Qırıcı təyyarələr mümkün hücumlara cavab vermək üçün döyüş sursatları ilə təmin olunub.

İddialara görə, İran ballistik raketlərini və pilotsuz uçuş aparatlarını ABŞ hədəflərini vura biləcək ərazilərə yerləşdirib.

Qeyd edək ki, iranlı generalın Bağdadda öldürülməsindən sonra Tehran qisas alacağını bəyan edib.