Filippində son bir neçə saat ərzində şərabdan zəhərlənən onlarla insan həyatını itirib. Xəstəxanalara yerləşdirilənlərin sayı isə 300-ə çatıb.
Oxu24.com İxlas xəbər agentliyinə istinadən məlumat verir ki, kütləvi zəhərlənmə Yeni il bayramı münasibətilə təşkil edilən şənliklər zamanı baş verib. Yüzlərlə insan “lambanog” adlı şərabdan qəbul edib. Bir neçə dəqiqə sonra spirtli içki qəbul edən insanların halı pisləşib. Səhiyyə Nazirliyinin məlumatına görə, zəhərlənmə halları daha çox Laquna və Keson vilayətlərində qeydə alınıb. Zəhərlənməyə səbəb olan şərabın tərkibi araşdırılır.
Qeyd edək ki, “lambanog” şərabı qanunsuz yollarla hazırlanır və tərkibinə zərərli maddələr qatılır.
Oxu24.com
ŞƏRHLƏR