Ermənistan Dağlıq Qarabağ münaqişəsinin həlli ilə bağlı danışıqları davam etdirməyə hazırdır.

Oxu24.com “Aysor” nəşrinə istinadən xəbər verir ki, bunu Ermənistanın xarici işlər naziri Zohrab Mnasakanyan bildirib.

“Ermənistan tərəfi Qarabağ problemi üzrə danışıqlar dinamikasını davam etdirməyə hazırdır. Biz ATƏT-in Minsk qrupunun həmsədrləri ilə əlaqə yaradırıq və Azərbaycan rəhbərliyi ilə görüşləri bərpa etməyi planlaşdırırıq”, – deyə Mnasakanyan Ermənistan deputatlarının sualını cavablandıran zaman söyləyib.

Nazir eyni zamanda bildirib ki, Ermənistan münaqişənin yalnız dinc yolla həllini dəstəkləyir. Oxu24.com